九乡新闻网重庆九龙坡金悦城:瑞士钢铁防线
来源：百度文库 编辑：九乡新闻网 时间：2024/04/30 01:47:29
今晚U21欧国杯爆发终极决战，瑞士会同西班牙争冠军。“小斗牛兵”表面睇好似劲啲，实情瑞士喺今届赛事未输过兼一球不失，西班牙面对瑞士条钢铁防线随时老鼠拉龟都似，朱枫睇好瑞士开出2.2倍“让球主胜”！（now633及660台周日凌晨2:45直播） 赛前已被誉为夺标大热嘅西班牙，最终如球迷所愿杀入决赛。睇番“小斗牛军”晋级过程，分组赛B组以首名出线，前锋阿祖安卢比斯暂时仲以5球排射手榜首位，不过上场4强对白俄罗斯喺先失1球下，受制对方严密防守，最终几经辛苦先喺完场前逼和对手，再喺加时入多两粒奠胜，唔多唔少反映西班牙前线唔算太锐利，面对死守球队冇必胜把握，今晚想继88年后第3度捧走U21欧国杯冠军睇嚟唔系咁易。
西班牙最怕死守
瑞士近年青训极之出色，继09年捧走世少杯冠军后，今届更历史性杀入U21欧国杯决赛。其实佢哋今届表现比西班牙仲要劲，分组赛3战全胜，上场加时赢02年冠军捷克1:0后，今届赛事入咗6球未失1球，难怪领队谭美赛后大口气到发表夺标宣言，扬言未惊过西班牙。
瑞士一球未失卧虎藏龙
事实上，瑞士人脚唔曳，好多都效力德甲同意甲，当中中场新星梳顿沙基利上年踢过世界杯，之前对英格兰射入过世界波，喺U21级别明显超班，上场对捷克，史浩克前锋加云洛域同09年世少杯银球奖得主宾卡利法都要做后备，睇得出瑞士阵中卧虎藏龙，何况中场主将格列沙加今仗刑满复出，射手美密迪又当弗，就算有后防阿科达因伤肯定缺阵，都有本事喺法定时间保持不败。
瑞士8场不败
近8场5胜3和，对上4场均保持清白。
近2次交手获1胜1负，打成均势。
西班牙旺开双
之前曾4度杀入决赛，但只有2次成功封王。
近8场3胜4和1负，对上6场5度开细及双。
近5届决赛战果
年份 冠军 战果 亚军
2009 德 国U21 4:0 英格兰U21
2007 荷 兰U21 4:1 塞尔维亚U21
2006 荷 兰U21 3:0 乌克兰U21
2004 意大利U21 3:0 塞尔维亚及黑山U21
2002 捷 克U21 0:0 法国U21（12码捷赢3:1）