超能赌神2免费:BULL''S?EYE?INVESTING(牛眼投资法)

BULL'S EYE INVESTING(牛眼投资法)

转载

股票

牛眼

二线股

高科技股

思捷

欧洲

《金融时报》今年曾推介「Santa Monica Technique」，今年回报率达十倍，的确好，但非一般散户可运用。上述策略简单D讲就系唔理会大市升降，而利用「长短棍」方式买入睇好行业股，同时拋空睇淡行业做对冲。今年拋空对象自然系美国金融股及房地产股，买入对象系高科技股，结果两头赢，例如次按保险股MGIC今年5月至今回落71％，苹果、 Google等又大升。明年计划拋空项目系软件公司，睇好项目系制造业中高科技股。

　　今年另一成功策略就系「牛眼投资法」，发明者系 John Mauldin，并2004年出书推介。我老曹系最先向香港读者推介呢个方法作者，并由2004年起采用佢方法。利用牛眼投资法系每年追求「三位数字」（即100％）或以上回报。牛眼投资法第一步系「Invest like a venture capitalist」，即专攻二线股，事前做足搜集工夫，搵出边D行业正进入起飞期或转亏为盈期。牛眼投资法较适合散户采用，但必须自己做足功课，千万不可跟我老曹买，因为专家如David Webb 去年圣诞前推介股份，今年恒生指数大升40％环境下仍跌27％；世上并冇必杀技也！作为venture capitalist，就系当一间企业开始转亏为盈时立即介入，而非等到人人叫好时才介入。Early bird catches the worms，又或者投资D引入创新意念企业，最典型例子系呢几年苹果引入iPod后再引入iPhone，令苹果股价由5美元升上180美元！本港成功例子如利丰（494）及思捷环球（330），利丰引入环球性采购概念，今天已成为蓝筹股；思捷环球全力拓展欧洲品牌市场，亦成就非凡。如佢地起步期时已介入，各位如今已成为小富。另一机会五年前，港人由睇唔起国企、红筹股转为爱上国企、红筹股所提供投资机会，例如森池兄推介国寿（2628）今年亦发足狂奔。唔好人云亦云，训练自己成为「Top Gun」（股市第一枪手）或小李飞刀（例不虚发）。如何利用地缘政治及宏观角度协助自己拣股？美元由2002至07年回落，既产生危机，亦出现大量商机；油价由10美元升上100美元，亦带来危机同商机；金价由252美元升上845美元亦带来机会……。任何事物都有正反两面，睇错市唔紧要（人谁无错？），蚀15％离场；睇市便咬住唔放，最低要求100％回报。至于大蓝筹股，留番畀退休人士或已经发达人士，并非仍在追求发达人之对象。明年唔易再透过投资大蓝筹股去赚取大利；反之，二线股仍有机会，包括巴西、俄罗斯、印度及中国内需股，相信纯利仍以双位数上升。金砖四国经济正由出口导向型转为内需推动型，内需增长估计可维持到2010年。未来推动世界经济引擎再唔系美国、欧洲、英国同日本，而系四大金砖国。财富正由OECD国家流向新兴工业国，未来财富唔再自石油股、能源股及资源股，因为佢地正面对巨大成本上升及低边际利润，而且油价已升至半天高；新机会来自内需股及高科技股。

牛眼投资法嘅宗旨系：一、每年都有唔少股份跑赢大市许多，如你放弃拣股，只睇大市方向，代表你并冇用心分析个别股份。二、上述股份可透过好古老嘅基础分析法发掘出来，过去毕非德可以，你都可以。三、呢D股份一旦被发掘出来，股价往往一年内可上升100％甚至1000％。四、呢类股份起步初期公司仲系好细，但充满革新精神。例如亚玛逊、星巴克都成为高增长股，但同时好危险，因为一旦失去增长动力，股价又会急跌，所以需要牛咁眼睇到实。例如Nutri System公司唔系协助大家减肥，而系响准备一餐之前，以十分有营养但食唔肥嘅东西先填饱你个肚，令人减少食垃圾食物；该公司股价2005至06年一共上升2124％！再以苹果为例，1983至2005年整整二十二年都冇大作为，但过去两年股价上升180％，可见iPod嘅威力。好多分析员抗拒牛眼投资法，认为普通散户点能跑赢大市？事实上系可以嘅，我老曹已向大家证明可以！有人会质疑你点可用5万元、10万元去赚100万元？（朋友，你赚唔到，唔代表别人唔可以）。亦有人话投资二线股风险太大嘞；只要利用止蚀唔止赚策略，你最大损失系本金15％（行使止蚀），风险响边度？亦有人认为咁做太投机了。对于我老曹而言，唔做功课去买股票才系投机，做足功课才买股票系保守投资者（虽然你一年内可能赚到100％以上回报）。难道买可口可乐等大企业才唔算投机？可乐股价由2000年至今并冇上升，反而回落。边个话大企业稳健?!过去十年大企业股价不升反跌嘅例子多箩箩。

　　追随趋势，找寻突破，拣股唔炒市。追求100％回报一年并非唔可能，当然亦唔系容易。各位尝试响二线股中找寻十只阁下认为有机会响明年上升100％嘅项目，任何一只亏损15％便止蚀，然后将资金投入其它九只……如此类推。利用汰弱留强，找寻明年会上升100％或以上嘅二线股。如十只二线股都须止蚀离场，你10万元投资仲剩下8.5 万元（损失唔大）；如有五只跑出，计计回报率系几多？因为好多时个别股份嘅升幅甚至超过100％！冇人保证你一定成功，不过如你连尝试嘅勇气都冇，便唔好羡慕别人。如第一年唔成功便第二年，第二年唔成功便第三年……夜以继日地学习拣股投资法，最终你必拥有金手指。请记住「买乜嘢？何时买？买几多？」才系正确投资态度。希望牛眼投资法最终能改变你一生！

0

顶