九乡新闻网艾尼科技:串词资料总汇
来源：百度文库 编辑：九乡新闻网 时间：2024/05/01 00:55:13
乙：弊在你D大炮越唓越高，一路唓到上越秀山顶哩。
甲：错，哩D唔喺“大炮”。
乙：对，唔喺大炮喺“巨炮”。
甲：错，有利于人嘅，就喺“美丽的谎言”。
乙：唓，话明谎言，仲会美丽？
甲：哩嗰问题等阵再讲，而家唔好阻大家睇戏。
[小品《即日搬迁》。
[串词：主持人甲、乙。
乙：好，戏已睇完，谎言继续。
甲：错，唔喺谎言继续，喺谎言阐述。
乙：错，喺美丽的谎言的阐述。
甲：于人有利嘅为之“美丽的谎言”，于人有害嘅为之“丑恶的谎言”。
乙：比如呢？
甲：你仲记唔记得张悦楷叔叔呀。
乙：记得，著名话剧表演艺术家，唔止我，好多观众都忘不了他。
甲：楷叔嗰仔本身喺市一人民医院嘅外科医生，当佢发现楷叔患胃癌
时，竟然对楷叔话喺胃溃疡，为咩呢？喺免得吓嚫楷叔，等佢有
信心积极治疗。
乙：哦，哩D就叫做“美丽的谎言”。
甲：但而家D售货员，见到女人唔理老嫩都叫靓女，见到男人就算
乞儿都叫老世，连自己都唔信嘅佢都叫得出口，哩D就唔喺美
丽的谎言，而喺流行性应酬症。
乙：哩D 喺人都知，已经无人介意。但谎言讲得多，无人信得过。
甲：错，李白最钟意说谎，但成为千古诗圣。
乙：唔喺啩，你咪翕得就翕噃，因住俾D李白粉丝一人吐啖口水浸
死你呀。
甲：咩呀，我有诗为证架。
乙：佢边首诗“唓大炮”先？
甲：佢嘅“秋浦歌”开头第一句就喺：“白发三千丈……”即喺话佢
嘅白头发有三千丈咁长啦，乜你信咩？
乙：唓，哩D叫做艺术夸张，唔算说谎。
甲：又唔算，但仲有呀，佢喺“将进酒”里面话：“君不见黄河之水
天上来……”我哋读书都学过啦，黄河水明明系喺“青藏高原嘅
巴颜喀拉山”
流落嚟架嘛，佢话喺天上流落嚟?，咁仲唔喺说谎？
乙：唓，哩D喺形容词，都唔算得说谎。
甲：咁点至算喺说谎先？
乙：想知呀？同D赌鬼倾吓偈啦，保证无句真话嘞。
甲：错，就算赌鬼都有真话。
乙：边句？
甲：“俾嗮你D钱我返本，唔喺我就捅死你！”
乙：哈哈，打劫嗰阵，哩句最真。
甲：一齐睇睇《如此赌棍》。